Liwat nga ginpanindugan sang Department of Justice nga wala pa sila sang nabaton nga ‘warrant of arrest’ batok kay Sen. Bato Dela Rosa halin International Criminal Court.
Suno kay Prosecutor General Richard Anthony Fadullon, wala pa sila sang nakita nga opisyal nga kopya sang nasambit nga dokumento.
Ini ang kontra sa pahayag ni anay Presidential Spokesperson Atty. Harry Roque nga may ara na sila nga nabaton nga warrant kontra sa mamalidha.
Suno saiya, kinahanglan pa ini mag-agi sa Department of Foreign Affairs kag Philippine Center on Transnational Crime antes ini ipahibalo sa Department of Justice.
Madumduman nga una na ginbunyagyag ni Ombudsman Jesus Crispin ‘Boying’ Remulla nga may ara na sang gin-issue nga arrest warrant halin sa International Tribunal batuk kay Sen. Dela Rosa
