Padayon ang pursuit operations sang Matalam PNP angut sa nag luntad nga pagpang ambush sang mga indi makilala nga mga suspek kag nag resulta sa pag ka patay sang isa ka 39-anyos nga mangunguma kag duha ang napilasan sang Sabado sang hapon, Nobyembre 29, sa Purok 10, Barangay Kibia. Matalam Cotabato.
Ginkilala ang napatay nga si Renato Arivalo Labagnao, alyas “Rey” kag “Pato”, kasado, kag residente sang Purok 3 sa amo man nga barangay. Nakabaton si Labagnao sang madamo nga pilas sang pagpangluthang kag napatay dayon sa lugar.
Samtang, nag-angkon man sang pilas sanday Anthony Supleo, 22 anyos, kag si Conrado Cabaya, 43 anyos, nga nakapalagyo apang naka angkon sa gihapon sang pilas.
Sandig sa imbestigasyon sang mga awtoridad, ang tatlo ka lalaki naghalin pa sa bulang ka mga manok kag nagapauli sakay sa motorsiklo sang may tawo nga nagpalapit kag gilayon sila nag gin pamusil.
Sa subong, nagapadayon ang pursuit operations sang mga imbestigador sang pulis agud mabudlayan ang suspek ukon mga suspek sa pagpangluthang. Wala pa sang klaro nga motibo sa pag-atake kag padayon nga naga bulig sa mga kapulisan ang nasambit nga barangay.
