Arestado ang 53 anyos nga lalaki samtang nagapatigayon sang covert patrol ang mga awtoridad sa Barangay Zone III, Koronadal City, South Cotabato. Suno sa mga awtoridad ila natukiban ang isa ka laki nga nagakay-o sang pila ka reams sang sigarilyo nga ginasuspetsahan nga smuggled, sa atubang sang isa ka Sari-Sari storeL kahapon nga adlaw sang Huwebes, Nobyembre 27,2025.
Ginkilala ang suspek sa kay “Herman”, 53 anyos, kasado, negosyante, kag residente sang Barangay Zone III, Koronadal City, South Cotabato.
Narekober sang mga awtoridad sa iya ang anum (6) ka reams sang Cannon Menthol cigarettes kag Kuarenta (40) ka reams sang New Berlin cigarettes, nga may ginabulubanta nga balor (Php 36,000.00).
Samtang, ang suspetsado pagkatapos sini gindala sa Koronadal City Health Center para sa medical examination antes siya ginpasulod sa custodial facility sang amo nga istasyon.
