-- ADVERTISEMENT --
Gindusò ni Pangulong Ferdinand R. Marcos Jr. ang mabakod nga handum sang Pilipinas nga makigbinuligay sa mga internasyonal nga organisasyon sa pagpakigbato batok sa plastic pollution paagi sa makabag-o nga teknolohiya.
Sa International High-Level Forum nga ginpatigayon sang International Atomic Energy Agency (IAEA) para sa NUTEC Plastics sa Pasay City, ginpahayag sang Pangulo nga ang plastic pollution isa ka kalibutananon problema nga nag-aapekto sa kinaiyahan, kahimsog, suplay sang pagkaon, kag kabuhi sang mga komunidad.
Ginpasidungog man ni Marcos Jr. nga suportado sang Pilipinas ang NUTEC Plastics Initiative, nga nagapakita kun paano magamit ang advanced nuclear technology agud mangin mapuslanon ang plastic waste.
