Arestado sa ginpatuman nga Search Warrant sang mga awtoridad ang isa ka lalaki sang sa banwa sang Tantangan South Cotabato bangud sa paglapas sini sa RA 10591 ukon firearm kag ammunition kag RA 9165 ukon Comprehensive Dangerous Drugs Act of 2002.
Ginkilala ang suspek sa kay alyas “Fermin”, HVI, 46 anyos, kasado, negosyante kag residente sang Brgy. Cabuling, Tantangan, South Cotabato.
Narekober sang mga awtoridad ang isa (1) ka unit nga gin-allegar nga .38 revolver nga wala serial number, nga may apat (4) ka bilog nga live ammunition kag apat (4) ka piraso nga heat-sealed transparent plastic sachet nga may puti nga crystalline substance nga ginahinalaan nga shabu.
Samtang, ang tanan nga nadakpan nga suspected shabu may kabugaton nga mga 2.50 gramos kag may balor nga Php 17,000.00 base sa standard nga presyo sang droga.
Kaso para sa paglapas sang Section 11, Article II sang RA 9165 kag paglapas sang RA 10591 ang paga atubangon sang suspek.
