Arestado na sang Korondal CPS upod ang South Cotabato Highway Patrol Unit, 1st SCPMFC kag SCPIU ang isa ka Most Wanted Person nga lalaki pinaagi sa pag serbi sang warrant of arrest sang mga awtoridad kahapon nga adlaw sang Domingo, Nobyembre 16, 2025.
Ginkilala ang suspek sa kay alyas “Tisoy”, 27 anyos, lalaki, single, wala sang trabaho, kag residente sang Brgy. Zone IV, Koronadal City, South Cotabato.
Gindakop ang suspek bangud sa paglapas sang Section 5, Article II sang RA 9165 ukon Comprehensive Dangerous drugs Act of 2002.
Samatng, ang akusado ginakabig nga Top 9 Most Wanted Person Provincial Level. Ginpaathag sa iya ang iya mga constitutional rights kag karon yara na siya sa kustodiya sang Koronadal CPS samtang nagahulat sang pag-issue sang Commitment Order halin sa hukmanan.
