Nagpatigayon ang Polomolok MPS sang anti-smuggling operasyon batok sa ilegal nga sigarilyo nga nakuha sa isa ka estudyante nga babae kahapon nga adlaw sang Domingo, Nobyembre 16, 2025, mga alas 1:30 sang hapon, sa Polomolok Public Market, Brgy. Poblacion, Polomolok, South Cotabato.
Ginkilala ang suspek sa kay alyas “Jona”, babayi, 17 anyos, single, estudyante kag residente sang Brgy. Poblacion, Polomolok, South Cotabato.
Nakuha kag narekober sa iya pagpanag-iya ang duha (2) ka sack bag kag isa (1) ka paper bag nga may unod nga: anom (6) ka reams New Berlin cigarettes nga may marka MC, isa kag gatos kag apat nga pulo kag duha (142) ka packs New Berlin cigarettes nga may marka MC1, duha (2) ka reams Cannon cigarettes nga may marka MC2, saysenta (60) ka packs Cannon cigarettes nga may marka MC3, isa (1) ka ream Fort White cigarettes nga may marka MC4, napulo kag tatlo (13) ka packs Fort White cigarettes nga may marka MC5, pito (7) ka packs Tabaco cigarettes nga may marka MC6, napulo (10) ka packs King Red cigarettes nga may marka MC7, napulo kag walo (18) ka packs New Aris cigarettes nga may marka MC8, kag napulo kag duha (12) ka packs D&J cigarettes nga may marka MC9, nga may kabug-osan nga balor nga masobra o menos Ds. 19,845.00.
Ginpaathag sa nadakpan ang iya mga katungdanan ukon constitutional rights kag igadul-ong siya sa MSWDO-Polomolok para sa husto nga pag-atipan, samtang ang nakuhaan nga smuggled nga sigarilyo igapaabot sa Bureau of Customs, General Santos City para sa kustodiya kag masunod nga disposisyon.
Sa pihak sini, ang reklamo para sa paglapas sa RA 10863 preparado na para sa inquest filing batok sa amu nga suspek sa Provincial Prosecutor Sub-Office, Polomolok, South Cotabato.
