Arestado sang Korondal CPS ang isa ka lalaki matapos makuha-an sang mga awtoridad sang ilegal nga mga sigarilyo sa Brgy. Carpenter Hill, Koronadal City, South Cotabato sang tinalikdan nga adlaw.
Ginkilala ang suspek sa kay alyas “Gil,” 40 anyos, kasal, negosyante, kag residente sang amo man nga lugar.
Base sa Koronadal CPS, nagpatigayon sila sang anti-smuggling operation sa Brgy. Carpenter Hill, Koronadal City, South Cotabato. Kung sa diin nakakita sila sang isa ka lalaki nga nagahanda kag nagasort sang pila ka reams sang Cannon Menthol kag New Berlin cigarettes nga ginapatihan nga smuggled, sa atubang sang isa ka sari-sari store nga ulihi natukiban nga iya man sang suspek.
Pagkakita sang mga awtoridad sang mga reams sang sigarilyo, ila gilayon ginpalapit ang lalaki kag ginpangayoan sang mga dokumento ukon permit nga naga-authorize sang transport kag delivery sang amo nga sigarilyo. Apang ang suspek wala sang maipakita. Ini nagtulod sa mga operatives nga dakpon ang suspek, nga ulihi nakilala nga si alias “Gil,” 40 anyos, married, negosyante, kag residente sang amo man nga lugar.
Samtang, yari naman ang narekober sang mga awtoridad
- onse (11) ka reams sang Cannon Menthol cigarettes, kag
- traynta’y otso (38) ka reams sang New Berlin cigarettes,
nga naga balor sang ₱38,504.20.
Gindala ang suspek sa South Cotabato Provincial Hospital para sa medical examination antes siya ginbutang sa custodial facility sang amo nga estasyon.
