”Kada tatlo ka bulan ukon 120 days, pwede ka magdonar sang dugo basta importante nga wala ikaw sakit.”
Ini ang nangin pahayag ni Dr. Vincent Ende, ang Koronadal City Health Officer, sa interview sa Bombo Radyo Koronadal.//Suno kay Ende, ini ang minimum nga panahon nga kinahanglan para sa pag-recover.Suno pa kay Ende, kinahanglan gid nga may bastante nga dugo bangod nagakakulang ini sa supply sa diin masami ginagamit sa sa mga tawo nga naimbolbar sa vehicular accidents, mga pasyente nga gina-operahan, kag madamo pa nga nagakinahanglan sang dugo.
Gina-awhag niya man ang tanan nga edad 18 pataas nga magdonar, basta healthy ang blood donor, wala sang medical illness ukon ginamaintenance nga medisina, pwede ini magdonar sang ila hamili nga dugo, mapa babae ukon lalaki,
Dugang pa niya, may screening nga ginahimo agud mahibal-an kon pwede magdonar sang dugo ang isa ka tawo. Nagpasalamat kag malipayon naman ang City Health Office sang Koronadal para sa pagtigayon sang “Dugong Bombo 2025.”
Sa diin nagapanawagan si Dr. Ende sa publiko nga magpartisipar sa nasambit nga aktibidad buwas nga adlaw, Nobyembre 15, 2025, nga pagahiwaton sa KCC Mall of Marbel Event Center, halin alas 7 sang aga tubtob alas 5 sang hapon.
