Arestado sang Koronadal CPS ang apat ka indibiwal bangud sa ilegal nga sugal sa bahin sang Purok Kaunlaran, Granada St., Brgy. Sto. Niño, Koronadal City, South Cotabato sang Nobyembre 12, 2025.
Ginkilala ang mga suspek nga sanday alyas “Marianne”, 42 anyos, single, wala sang obra,“Alex”, 42 anyos, balo, “Gerard”, 61 anyos, may asawa, wala sang obra,“Carlito”, 42 anyos, may asawa, driver, lunsay pareho mga residente sang Koronadal City, South Cotabato.
Base sa report sang Koronadal CPS, nakabaton sila sang tawag sa telepono halin sa isa ka concerned citizen nga may grupo sang mga indibidwal nga nagahimo sang ilegal nga sugal sa kilala bilang “Pyat-Pyat” sa nasambit nga Barangay.
Gilayon nga nagresponde ang mga pulis para beripikahon ang kamatuoran sang report. Pag-abot nila sa lugar, nakita nila nga may pila ka indibidwal nga klaro nga nagahimo sang ilegal nga sugal, naga pungko palibot sang lamesa, nagagamit sang baraha, kag nagabutang bulang-bulangan nga kwarta bilang pusta. Nakumpirmar sang mga operatiba ang ilegal nga aktibidad sang amo nga mga persona, kag gilayon nga nagtungas sa lugar, nagpakilala bilang mga pulis, kag ginpahibalo ang mga suspek parte sa basehan sang ila pag-aresto kag ginpaathag sa ila ang ila konstitusyonal nga kinamatarung sa pulong nga ila guid maintindihan.
Ang mga nadakpan kag ang nakumpiskar nga mga ebidensya gilayon nga ginpadulong sa Koronadal CPS para sa nagakaigo nga disposisyon.
Samtang subong, ang reklamo para sa paglapas sang Section 1(a) sang Presidential Decree No. 1602, nga gin-amyendahan sang R.A. 9287, yara na sa proseso sang pagpreparar para ihain batok sa mga nadakpan sa City Prosecutor sang Koronadal City.
