Arestado ang tatlo ka indibidwal sa ginpatigayon nga Buy-bust operation sang mga awtoridad sa Brgy. Poblacion, Polomolok South Cotabato kahapon nga adlaw sang Domingo, Nobyembre 9, 2025.
Ginkilala ang mga suspek nga sanday alyas “Kanotoy”, 43 anyos, single, tricycle driver, John Lelis y Gapas @ “Soysoy”, 42 anyos ,kasal, empleyado sang Dole kag alyas “Arnold” Kasal, Empleyado sang Dole , lunsay mga residente sang Brgy. Poblacion, Polomolok, South Cotabato.
Nakuha sa mga suspek paagi sa operasyon, ang isa (1) ka heat sealed transparent plastic sachet nga nagaunod sang puti nga crystalline substance nga ginapatihan shabu nga may ginabanta nga kabug-aton nga mga O.1gram, nga may standard drug price (Dangerous Drugs Board) SDP nga nagabalor Php 6,860.00 kada gramo nga ginmarkahan nga ”DR”, Possession b. Tatlo (3) ka heat sealed transparent plastic sachet nga nagaunod sang puti nga crystalline substance nga ginapatihan shabu nga may ginabanta nga kabug-aton nga mga 0.3 gram nga may standard drug price (Dangerous Drugs Board) SDP nga nagabalor Php 6,860.00 kada gramo nga ginmarkahan nga”KB”,KB1 kag KB2.
Sa subong ang mga nadakpan nga suspek gindala sa Polomolok MPS para sa nagakaigo nga kustodiya kag disposisyon sang kaso, samtang ang nakuha nga ginapatihan shabu ipadala sa South Cotabato Forensic Unit, Koronadal City para sa Laboratory Examination. Kaso para sa Paglapas sang Art. II, Seksyon 5 kag 11 sang RA 9165 ginahanda na para ipasaka sa Provincial Prosecutors Sub-Office, Polomolok, South Cot.
