Nagapadayon karon ang imbestigasyon sang mga otoridad sa natabo nga holdap incident sa isang STL booth sa Barangay Punong Grande, Banga, South Cotabato pasado alas-12:20 sang udto.
Sa inisyal nga imbestigasyon sang mga otoridad, isa ka lalaki nga naka-blue shirt, maong shorts, black long sleeves, kag black helmet nga may cover sa iya nawong ang gina-alegar nga responsable sa insidente.
Ginreport nga naghalin ang suspek sa Crossing Baynte Metros kag nagpadulong sa Cabudian area matapos ang krimen.
Suno sa testigo, ginpaabot pa sang suspek ang linya nga “Pasensya lang gid ga kay na-hospital abi bata ko,” antes ini magpalagyo.
Sa karon, padayon nga ginakilala sang Banga Municipal Police Station ang suspek kag nagapanawagan sa publiko nga kung may nakakita o makilala sa iya, palihog ipahibalo dayon sa mga otoridad.
