-- ADVERTISEMENT --
Ginbalik sang Office of the Ombudsman sa Department of Justice ang lima ka kaso nga ginpasa sini sang nagligad may kaangtanan sa flood control projects anomaly.
Suno mismo kay Ombudsman Jesus Crispin ‘Boying’ Remulla, ginapabay-an na sang opisina sa departamento ang pagproseso sa amo nga mga kaso.
Madumduman nga gin-sumite ukon gin-refer sang Department of Justice sa Ombudsman ang resulta sang imbestigasyon partikular na sang mga ghost flood control projects sa probinsya sang Bulacan.
Apang ginpahayag ni Ombudsman Boying Remulla nga ila ini ginabalik sa DOJ agud ang departamento na ang magpanguna sa pagpatigayon sang preliminary investigation.
