Kalabanan sang mga senador, pabor nga ma-review ang SALN – Sotto.

Nagapasugot kuno ang kalabanan sa mga senador nga ipagwa sa publiko ang ila Statement of Assets, Liabilities, and Net Worth (SALN), suno kay Senate President Vicente Sotto III.

Suno kay Sotto, nakaistorya na niya ang pila sa iya mga kaupod sa Senado kag kalabanan sa ila nagpasugot na nga ipagwa sa publiko ang ila tagsa-tagsa ka mga pagkabutang.

Nagapati si Sotto nga makabulig ang tikang nga ini ni Ombudsman Boying Remulla agud mabalik ang pagsalig sang publiko sa mga opisyal sang gobyerno.

Dugang pa niya, indi na kinahanglan nga magpanotaryo ang mga nagahandum nga magpangayo sang kopya sang SALN sang mga senador, labi na gid kung lehitimo man ang ginapangayo.