Ginbuyagyag ni House appropriations panel vice chair kag Batangas Rep. Leandro Leviste nga pila ka miyembro sang team ni Department of Public Works and Highways (DPWH) Secretary Vince Dizon ang mga kontraktor ukon may kaangtanan sa mga kontraktor nga imbolbado sa flood control anomaly.
Ginsiling ni Rep. Leviste nga nakuha niya ang impormasyon halin sa pila ka kaupod sa Kamara.
Indi kuno si Secretary Dizon mismo ang kontraktor, kundi mga tinawo niya. Madamo na kuno sa Kongreso ang nakahibalo sini.Gin himo niya si Dizon nga ipahibalo sa publiko ang koneksyon sang iya team sa mga kontratista, labi na nga may ginapatigayon nga imbestigasyon sa mga iregular nga proyekto sang gobyerno.
Dugang pa ni Leviste posible makita sa simple nga online search ang mga paratang sang katiwalian batok sa pila ka bag-o nga appointee sang DPWH.
Siling niya may potensyal si Dizon nga magdala sang reporma sa DPWH kung mangin bukas siya sa isyu nga ini.
Sa tunga sang presscon, nakabaton si Leviste sang tawag halin sa isa ka mataas nga opisyal sang DPWH. Ginpanindugan sang Kongresista nga ang gusto niya amo ang transparency kag patas nga alokasyon sang pondo. Kung may koneksyon man sa mga kontratista, tani ipahibalo sa publiko.
Sa pihak nga bahin, isa sa mga nagpamatok sa pagpasa sa 2026 national budget amo si Batangas 1st District Rep. Leandro Legarda Leviste, nga nagpanawagan nga ipanubo ang presyo sang mga proyekto sang DPWH agud matapna ang kickbacks.
