Nagpahayag sang preprasyon ang Filipino figure skater nga si Michael Martinez nga magbalik sa kompetisyon paagi sa pagpartisipar sa Philippine National Figure Skating Championships antes siya mag-edad 30 anyos.
Sa iya social media account, ginpaathag ni Martinez nga madamo siya sang mga opsyon sa tion nga mag-abot ang iya ika-30 nga kaadlawan.
Apang, sa ulihi, ginpili niya nga magbalik sa ice ring kag magkompetisyon sa nasambit nga nasyonal nga kampeonato.
Suno sa iya, ang pagdesisyon sa edad nga 30 nagakinahanglan sang mas madalom nga paghunahuna kag pagbinagbinag.
Bangud sini, gintan-aw niya ang pagpartisipar sa Philippine Nationals bilang isa ka makahulugan nga tikang sa iya karera sa figure skating.
Gin-admiter man ni Martinez nga wala niya ginapaabot nga magabalik pa siya sa pagkompetisyon, ilabi na matapos ang pila ka tuig nga wala siya nagapartisipar sa amo nga lebel sang kompetisyon.
Apang, nagbag-o ang iya panan-aw kag nakadesisyon siya nga hatagan liwat sang kahigayunan ang iya kaugalingon nga makigkompetisyon.
