Sa tunga sang nagasunod-sunod nga kalamidad pareho sang linog, bagyo, kag pagbaha sa nagkalain-lain nga parte sang pungsod, nagpaandam ang Philippine Psychiatric Association (PPA) sa posibilidad nga makaeksperiensya sang “disaster fatigue” ang pila ka pumuluyo. Suno kay Dr. Joan Mae Perez-Rifareal, presidente sang PPA, ang disaster fatigue isa ka sahi sang emosyonal kag mental nga kakapoy nga nagagikan sa pagbatyag sang kawala’y kontrol sa mga nagakatabo sa palibot.
Gina punto sang mga eksperto nga itutok ang atensyon sa mga butang nga kaya naton kontrolon, pareho sang paghanda sa panahon sang kalamidad, pagsunod sa mga abiso sang awtoridad, kag pag-atipan sa kaugalingon nga ikaayong lawas.
Dugang pa ni Rifareal, importante man ang pagbinuligay sang komunidad kag ang pagsabat sa panginahanglan sang isa kag isa agud mapabilin ang kalg-on sa tunga sang krisis.
