Ginalauman nga magapadayon na ang hearing para sa confirmation of charges batok kay anay Presidente Rodrigo Duterte sa mas madali nga panahon kumpara sa mga nagliligad nga kaso sa korte, suno kay ICC Deputy Prosecutor Mame Mandiaye Niang.
Sa nga filing nga may petsa Setyembre 29, ginpahayag sang ICC Prosecutor nga ginalauman nila nga mapadayon ini sa masunod nga bulan bisan pa man ginpaiway sang ICC Pre-Trial Chamber I ang confirmation of charges hearing sang anay Presidente sadtong Setyembre 23.
Pila sa mga rason nga ginpresentar sang ICC Prosecutor para sa ginalauman nga pagpadayon sang hearing ang redacted ukon wala ginlakip sa public version sang iya filing.
Bisan pa sini, ginpahayag man sang ICC Deputy Prosecutor nga ang duha ka mga kaso nga naglabot sang isa ka tuig antes nagsugod ang confirmation of charges hearing halin sang una nga pag-atubang sang mga suspek sa korte.
Ang ini nga sabat sang ICC Prosecutor amo ang kabangdanan sang ila ginapangatubang nga hingyo sang kampo sang depensa nga pagahatagan sang interim release ang anay Presidente samtang nagapadayon ang mga proseso bangud sang iya kondisyon medikal kag kung bala angay pa siya nga mag-atubang sa hukmanan.
