Gintapos na sang House Committee on Appropriations ang pagpulong sa ginbag-o nga budget sang Department of Public Works and Highways nga nagabalor sang ₱625.785 bilyon para sa 2026. Mas manubo ini sang halos 29 porsyento halin sa orihinal nga ₱881.31 bilyon nga panugda, matapos ginmando ni Presidente Marcos nga kuhaon ang pondo para sa mga bag-o nga proyekto sa pagkontrol sa baha.
Suno kay DPWH Secretary Vivencio Dizon, nabuhinan sang ₱255.53 bilyon ang budget agud sundon ang direktiba sang Presidente kag kuhaon ang mga doble nga proyekto.Kalakip sa mga ginkuha amo ang pondo para sa Flood Management Program, SIPAG kag BIP flood mitigation structures, pati na man ang pila ka road projects.Nagkabalaka ang pila ka mga mambabatas nga maapektuhan ang mga komunidad nga masami ginabahaan bangud sa pagkuha sang flood control projects, kag nanawagan nga masigurado nga mabalik ang pondo sa 2027.
