Arestado ang isa ka lalaki kag ang iya anay public school teacher nga live-in partner sa ginpatigayon nga drug buy-bust operation sang mga otoridad sa Purok Bonifacio, Brgy. Concepcion, Koronadal City.
Target sang operasyon si alyas “Jojo”, 60 anyos, kag ini na ang ikaapat nga beses nga nadakpan siya sa kapareho nga kaso.
Lakip sa naarestar ang iya sini nga live-in parter nga anay isa ka public school sa Koronadal City nga ginkilala kay alyas “Cha”, 30 anyos, kag amo residente sang Zone 4. Suno sa report, aktibo sa gihapon ang teaching license sang nasambit nga maestra , apang wala na ini nagapraktis sang iya propesyon.
Nakuha sa operasyon ang 18 ka pakete sang ginapatihan shabu, duha ka drug paraphernalia, improvised tooter, kag P1,000 buy-bust money.
Dugang pa, ang anay maestra nga si Cha yara man mismo sa listahan sang mga target sang otoridad.
Ang mga suspek gin-turn over na sa custodial facility sang PDEA-12 para sa hustong kaso kag disposisyon.
