KORONADAL CITY – Naglab-ot sa apat ka mga rebelde nga New People’s Army ang boluntaryo nga nagsungka sa South Cotabato.
Ang anay nga mga miyembro sang armado ang nagdesisyon nga magsungka sa gobyerno paagi sa 38th Infantry (We Clear) Battalion, bangud sa kabalaka nga mapukan sa malapnagon ngna operasyon sang mga tropa sang gobyerno sa lugar.
Suno kay Lt. Col. Erwin E. Felongco, Commanding Officer sang 38IB, tatlo ka mga anay miyembro sang komunista nga grupo kag isa ka lokal nga terorista ang nagsungka bitbit ang mga armas sa kampo sang 38IB sa Barangay Kablon, Tupi, South Cotabato sang ika-11 sang Hunyo, 2025.
Magluwas sa mga rebelde, onse ka mga armas ang ginsungka man sang pila ka mga sibilyan gikan sa komunidad. Lakip na sa mga ini ang isa ka 7.62 M14 rifle, isa ka M16 rifle, isa ka M1D Garand Sniper Rifle, isa ka Carbine, lima ka shotgun, isa ka Uzi, isang Cal. 22 rifle, duha ka Cal. 38 revolver pistol, isa ka pistol-type shotgun, kag nagkalain-lain nga sahi sang bala.
Ginpakilala ni Lt. Col. Felongco ang apat ka anay mga rebelde kay Col. Ronel R. Manalo, Commander sang 1st Mechanized Brigade, sa isa ka simple nga seremonya sa kampo sang 38IB. Nagtambong man sa aktibidad ang mga lokal nga opisyal kasubong nanday Ms. Anisah A. Abubakar, LPE Head sang DSWD Region XII; Ms. Marivic Tubo, representante sanng LGU Polomolok; Hon. Reno Sobrepeña, Kapitan sang Barangay Koronadal Proper, Polomolok; kag PLTC Harold V. Cornel, Hepe sang Polomolok Municipal Police Station.
Bilang kabahin sang programa sang gobyerno, gilayon nga ginhatagan sang bulig pinansyal kag food packs ang mga anay rebelde gikan sa DSWD Region XII kag mga lokal nga gobyerno sang Polomolok, Tantangan, kag Banga sa South Cotabato.
“Ang tagumpay ng ating operasyon ay hindi lamang nasusukat sa nakumpiskang mga armas, kundi higit sa pagbabalik-loob ng mga dating rebelde na ngayon ay may pagkakataong magsimula muli,” pahayag ni Col. Manalo.
Sa separar nga pahayag, suno kay Major General Donald M. Gumiran, Commander sang 6ID at Joint Task Force Central (JTFC), nga ang hitabo nga ini ang bunga sang mapagon nga dedikasyon sang militar sa pagtuman sang ila responsibilidad ang kalinong kag seguridad sa komunidad.
“Ang pagnanais ng mga dating rebelde na muling mamuhay nang mapayapa ay patunay ng ating tagumpay hindi lang sa usapin ng seguridad kundi pati na rin sa pagbubuo ng pagkakaisa at kapayapaan,” dugang pa niya.
Kadungan sini, ginpasiguro sang Heneral nga padayon ang kooperasyon sang militar kaupod ang mga lokal nga gobyerno kag nagkalain-lain nga sektor agd nga matuman ang tinutuyo nga pagkabot sang kalinong sa bug-os nga rehiyon sang Mindanao.
