-- ADVERTISEMENT --
Patay na sang ansapwan ang duha ka persona sa Barangay Cacub, Siyudad sang Koronadal bangud ini nalumos sang nagligo ini sa Millennium Falls Damsite, Mayo 19, 2025 pasado 5:00 sang hapon.
Ginkilala ang mga biktima nga sanday alyas “Christian”, 29 anyos, lalaki, isa ka delivery rider, samtang ang isa ka babaye ginkilala nga si alyas “Jessa” 24 anyos, kag mga lunsay residente sang Barangay Paraiso, Siyudad sang Koronadal.
Suno sa inisyal nga imbestigasyon, nagaligo ini sa Millennium Falls Damsite apang makusog ang ulan sa lugar nga rason nga mabaskog nga pag-agos ang tubig amo gin tunaan sang pagka lumos sang mga biktima.
Sa karon, ang mga lawas sang biktima gindala na sa funeral homes sa Barangay Carpenter Hill, siyudad sang Koronadal.
