Nagpaalinton sa mga kapulisan si Philippine National Police (PNP) Chief PGen. Rommel Francisco Marbil nga dapat padayon nga panilagan ang kaayuhan kag kasiguruhan sang publiko sa adlaw sang eleksyon kag magpabilin man nga neutral sa sining adlaw agud magpokus sila sa ila katungdanan.
Ini ang kabahin sang panawagan ni Presidente Ferdinand Marcos Jr. nga mangin matinlo kag maayos ang eleksyon subong nga tuig.
Suno kay Marbil, duha lang ang pinakaimportante nga misyon sang PNP kada may eleksyon: una, ang pagsiguro nga luwas ang mga botante kag ang publiko, kag ikaduha, ang pagpanilagan sang neutralidad sang ila hanay agud malikawan ang pagkalakip sa mga ginaawayay nga pulitika.
Dugang pa sang hepe, indi dapat magserbisyo ang mga kapulisan para sa interes sang pulitika kundi para sa katawhan kag sa demokrasya sang pungsod.
Ang mga pahayag nga ini sang hepe naggikan sa ginatubang nga mga political activities sa bug-os nga pungsod kag sa nagatubo nga kahadlok sang publiko nga may mga kapulisan kuno nga may ginapaboran sa pulitika.
