Naga-atubang sa karon political analyst nga si Richard Heydarian sang persona non grata sa Isabela City, Basilan, tungod sa iya mga kontrobersyal nga pahayag parte sa Human Development Index (HDI) sang Mindanao kag ang pagkumpara sini sa Sub-Saharan Africa.
Nag-aprobar ang Sangguniang Panlungsod sang Isabela sang isa ka resolusyon nga nagakondenar sa mga pahayag ni Heydarian nga ginatawag nila nga “pambabastos kag mapanira.” Si Konsehal Abner Rodriguez nagpahayag nga ang resolusyon nagdeklara nga indi welcome si Heydarian sa syudad.
Nagpahayag si Konsehal Rodriguez nga ang resolusyon isa ka mabaskog nga pagkontra sang syudad sa mga pahayag ni Heydarian.
Ang mga pahayag ni Heydarian nagsugod sa isa ka interbyu sa media, nga nagahisgot sa pagkakulong ni anay Presidente Rodrigo Duterte sang International Criminal Court.
Sa katapusan sang pag-istoryahan, naghatag siya sang kontrobersyal nga pahayag parte sa kondisyon sang Mindanao.
Matapos ang insidente, nangayo sang pasaylo si Heydarian sa iya Facebook kag gindepensahan ang iya mga pahayag, nga iya gintudlo nga may mga tawo nga ginbaliktad ang iya mga ginhambal.
