Nagpasaka sang House Resolution No. 1562 ang 10 ka miyembro sang House of Representatives nga nagapangabay kay Presidente Ferdinand Marcos Jr. nga ideklarar si Chinese Ambassador Jing Quan nga persona non grata.
Ang tikang may kaangtanan sa pahayag ni Jing Quan nga mahimo mangin madali para sa China nga malutos ang Pilipinas kon maggamit ini sang puwersa, nga nagresulta sa nagkalain-lain nga reaksyon halin sa mga senador.
Lakip sa mga nagpasaka sang resolusyon sanday Representatives Ziaur-Rahman Alonto Adiong, Adrian Michael Amatong, Kaka Bag-ao, Percival Cendaña, Leila de Lima, Chel Diokno, Dadah Kiram Ismula, Cielo Krisel Lagman, Karl Fernandez Legazpi, kag Mark Anthony Santos.
Ginpangabay man sang mga kongresista si Marcos nga seryosohon ang ila panawagan, samtang sa ila joint statement, ginpahayag nila nga indi na angay nga magpabilin sa Pilipinas ang embahador bangod sa iya ginapahayag nga kawalay pagtahod sa soberanya sang pungsod.
