Naghingyo si Department of Migrant Workers Secretary Hans Leo Cacdac sang isa ka semean agud tun-an ang total ban sa pagpadala sang mga domestic workers sa Kuwait.
Sa hearing sang Senate Committee on Migrant Workers kag Labor and Employment, ginlaygayan liwat ni Senador Raffy Tulfo ang DMW nga igapatuman ang deployment ban sang mga overseas Filipino workers (OFWs) sa Kuwait matapos mapatay ang duha ka OFW nga si Dafnie Nacalaban kag Jenny Alvarado.
Ginmanduan sang senador ang ahensya nga igadumulian anay ang pagpapadala sang mga first time workers nga mga pinoy sa Kuwait.
Apang suno saiya para sa mga dati na nga domestic kag skilled workers sa nasambit nga pungsod ang wala sang problema para sa senador nga ipadala.
Punto ni tulfo, wala sang problema sa mga ofws bangod mga employers sa kuwait na gapangsakit sang aton mga katawhan ang rason kung ngaa may mga Pinoy nga nagapauli nga patay na.
Suno man kay Cacdac, sa karon wala pa sang igapatuman ang pungsod nga ban sa deployment sang mga OFWs sa Kuwait apang may deferment lang.
