Nagpanawagan si Presidente Ferdinand Marcos Jr. sa mga kaiping nga mga pungsod kag mga partner nga suportahan ang “rules-based international order” agud mapadayon ang kalinong kag kauswagan sa rehiyon.
Nagapati si Pangulong Marcos nga importante ang pagsunod sa sini.
Ginhimo sang Presidente ang pahayag sa ginpatigayon nga Vin D’Honneur sa palasyo sang Malakanyangkon sa diin malipayon nga gin-abiabi ni PBBM kag First Lady Liza Marcos ang mga miembro sang diplomatic corps kag mga opisyal sang gobyerno.
Suno kay Presidente Marcos, iya ginpduso ang independent foreign policy sang Pilipinas nga nagapataas sa kalinong kag kooperasyon samtang ginaseguro nga ginapatuman ang internasyunal nga kasuguan.
Ginpahayag man sang Presidente nga naglapad pa ang international partnerships sang Pilipinas bangud sa promiso sini nga independent foreign policy.
Partikular nga gin-istorya sini ang mga ginpasulod nga bilateral engagements kag kooperasyon sa mga tradisyonal nga mga partner kag sa mga bag-o nga mga kaalyado nga mga pungsod.
Ginbugal man ni presidente Marcos ang pagpatindog sang bag-o nga mga embahada sang Pilipinas sa Europa kag Latin America kag plano pa sini nga magtukod sang apat pa sa North America, Asia kag sa Pacific.
Dugang man sang Presidente nga nagpabilin nga magpatindog ang ekonomiya sang Pilipinas sa Asya nga naglapad sa 5.8 percent sa una nga tatlo ka quarters sang nagligad nga tuig.
Nag-abot man sa P4.42 trillion ang revenue collection sang Pilipinas para sa 2024 katumbas ini sang 16.7 percent sang gross domestic product sang nasyon.
Nag-angkon man sang pag-uswag ang credit rating sang nasyon nga may gradong A-minus.
Ginpaambit man sang Pangulo ang pagnubo sang unemployment rate sa pungsod.
