Nagadangat sa 2,500 ka Persons Deprived of Liberty (PDLs) ang nakabenepisyo sa nagkalain-lain nga serbisyo kag bulig sa Correctional Institution for Women (CIW) sa Mandaluyong City, sa pagbisita ni First Lady Liza Araneta-Marcos sang Nobyembre 10, 2026.
Nahisakop sa programa nga 5K ang paghatag sang serbisyo medikal, libre nga bulig legal, mga hilikuton sa arte kag paghanas sa pagpanguma sa kasyudaran, lakip ang iban pa nga mga programa agud makahatag sang oportunidad nga makapangita sang pangabuhi ang mga PDLs.
Samtang, 40 ka kwalipikado nga PDLs halin sa nagkalain-lain nga pasilidad sang Bureau of Corrections sa bug-os nga pungsod ang legal nga ginpahilway.
Ang 5K nga programa nagatindog para sa Kulay, Kalinga, Katarungan, Kalayaan kag Kabuhayan, nga nagatuyo sa paghatag sang pag-atipan, hustisya kag bag-o nga oportunidad sa mga priso.
Dugang pa, naghatag ang Philippine Reclamation Authority sang P1 milyon nga bulig agud suportahan ang mga programa sa palangabuhian sang mga PDLs.
