Mabaskog nga ginpalakpakan nga pahayag ni Presidente Ferdinand “Bongbong” Marcos Jr. may kaangtanan sa padayon nga pangharras sang China sa mga barko sang Pilipinas sa sulod sang exclusive economic zone sang pungsod.
Sa iya State of the Nation Address (SONA), ginpabakod sang Presidente ang tindog sang Pilipinas sa 2016 Arbitral Award kag ginkondenar ang AI-generated content sang Chinese media nga nagakomparar sa mga Pilipino sa amu.
Ginpahayag ni Marcos nga indi magpasakop ang Pilipinas sa bisan ano nga pagpang-insulto ukon pagpanakop.
Gindugang pa niya nga ang panindugan sang pungsod sa West Philippine Sea indi lang bagin sang teritoryo kundi sang dignidad kag soberanya sang mga Pilipino.
Ginpasiguro man sang Pangulo nga padayon nga depensahan sang Pilipinas ang iya mga kinamatarong sa kaugalingon nga katubigan bisan pa sa padayon nga panggigipit sang China.
