Nagpaalinton sa subong ang pamunuan ang Koronadal City PNP Traffic section sa tanan nga mga motorista nga naga agi sa kalabaon sang national highway nga maghalong sa tion sang byahe labi nagid sa palaabuton nga tion sang kapaskuwahan.
Ini ang nangin pahayag ni PMSgt. Leo Dimaculangan- imbestigador sang Koronadal CPS traffic section sa interview sang Bombo Radyo Koronadal kasunod man sang serye sang mga disgrasya sa dalanon sa syudad sang Koronadal.
Suno sa iya, naga kaangay nga maghalong ang tanan bangud mangin masako ang kadam-an sa syudad bangud sa mga aktibidad kag mga lugar nga mahimo magtuga sang madamo nga salakyan padulong sa syudad.
Ginpahayag man sini nga maghinay-hinay lang sa pagpadalagan sang salakyan agud nga malikawan ang aksidente sa dalanon bangud sa kadam-an sa mga vehicular accident amu ang bangud sa madasig nga pagpadalagan sang mga salakyan kag masami nga pag overtake sang mga ini nga mangin rason sang pag-agaw sang linya nga masami naman mangin tunaan sang aksidente
