Isa ka sunog ang nagluntad sa bahin sang Sitio Tabite, Brgy Poblacion, Lake Sebu.
Ang nasambit nga sunog nag luntad sang 1:42 pm sang Nobyembre 10, 2024 sa isa ka establishemento kilala sa pangalan nga “View Deck” nga ginapinagiyahan ni Bryan Bornea amo man ila gina istaran.
Ini ginkumpirma ni SFO4 Ronald Navarres, Acting Municipal Fire Marshal sang Lake Sebu, South Cotabato sa interbyu sang Bombo Radyo Koronadal.
Nagluntad ang nasambit nga sunog nga gin ubos ang establishemento sa madasig nga oras bangud sa nakasaksak nga gadgets.
Madasig man nga nag lapta ang kalayo bangod sa hangin kag light materials ang estraktura sang establishemento.
Dugang ni Navarres, wala sang casyualties sa nag luntad nga sunog apang sa inisyal nga estimated damage yara sa 270,000 nga balor bangud ini fully damaged.
Sa karon, ginapanawagan ni Navarres nga magin mahalong kag ipachekyar ang mga kuryente agud malikawan ang insidente.
Amo man ang mag report sa mga otoridad kung may sunog agud ma respondehan.
