Kapin sa P55 milyones nga kantidad sang nakumpiskar nga shabu amo gin “destroy in public“sang Miyerkules sa Maguindanao del Norte sang Philippine Drug Enforcement Agency office sa Bangsamoro Autonomous Region in Muslim Mindanao.
Suno kay Cesario Gil Castro, regional director sang PDEA-BARMM, ang iligal nga droga – nga nagabug-at sang 8.17 kilos kag nagabalor sang P55,626,371 – ang nakumpiska sa rehiyon sang Bangsamoro kag ginpasakop sa mga mando sang korte para sa paglaglag.
Sa Marawi City kag South Cotabato, ang Police Regional Office sa BARMM nakakumpiska man sang P1.6 milyones nga kantidad sang shabu halin sa apat ka mga suspek nga drug dealers.
Suno kay Brig. Gen. Romeo Macapaz, regional police director sang BARMM, si Jamel Mama Hadji Omar kag Fahad Datu Muto ang nadakpan sa isa ka sting operation sa Barangay Moriatao Luksadato, Marawi City. Sa di magkulang P340,000 nga kantidad sang shabu ang nakumpiskar.
Sa Soccsksargen, ang regional police director nga si Brig. Gen. James Gulmatico nagpahayag nga kung itikom ang operasyon sang Polomolok town police kag South Cotabato provincial police nagresulta sa pagkumpiska sang P1.3 milyones nga kantidad sang shabu kag sa pagdakop sang duha ka mga suspek nga amo man drug dealers.
Sa karon, padayon ang drug operation sang mga otoridad agud ma untat na ang mga iligal actions nga nagakahitabo sa mga rehiyon.
