Nagapati si Philippine Ambassador to the United States Jose Manuel Romualdez nga magapabilin nga mapag-on ang alyansa sang pungsod Pilipinas kag Estados Unidos, ano man ang mangin resulta sang eleksyon sa Amerika.
Nahibaluan nga sa patigayunon ang eleksyon sa Estados Unidos sa Nobyembre 5 kag indi lipod nga tuman ka lapit ang engkwentrohanay ni U.S. Vice President Kamala Harris kag anay U.S. President Donald Trump.
Suno kay Ambassador Romualdez, nangin maayo ang pagtrato ni Trump sa Pilipinas sa idalum sang iya sadto liderato. Samtang si Harris, makapila na ka beses naka atubang kag nakasugilanon ni Pangulong Ferdinand Marcos, Jr. sa Pilipinas kag Amerika.
Nagapati ang opisyal nga halos magkapareho lang ang polisiya sang duha, sin-o man sa mga ini ang magadaog sa eleksyon.
