2 ka homemade firearms boluntaryo nga ginsurender sa kapulisan sa banwa sang Norala, SoCot

KORONADAL CITY – Boluntaryo nga ginsungka sang duha ka indibidwal ang ila kaugalingon nga homemade 12-gauge-shotgun sa banwa sang Norala, South Cotabato kadungan sang UNDAS.

Ini ang ginkumpirmar sang Norala PNP kun diin alas-3:15 sang hapon sang Oktubre 31,2024 ini nagluntad.

Ang nasambit nga mga armas ang yara na karon sa pag-inakop sang kapulisan para sa nagakaigo nga pag-chekyar.

Kadungan sini, ginaawhag ni PCOL. Samuel Cadungon, provincial director sang South Cotabato ang tanan nga mga pumuluyo nga nagahupot pa sang armas nga isungka sang boluntaryo agud mapalayo sa kapahamakan.