Ginmandu sang Department of Agriculture (DA) ang madasig nga pagpagwa sang P93.8 billion nga pondo halin sa Philippine Crop Insurance Corporation (PCIC) para sa mga biktima sang Supertyphoon Julian.
Agod magamit na ini sang mga mangunguma kag makabawi nga epekto sang nasambit nga bagyo.
Suno kay DA Secretary Francisco Tiu Laurel Jr., kinanglan nga madasig ang paghatag sang bayad-danyos/insurance sa mga mangunguma agud makaumpisa sila liwat kag ibalik ang production loss sa paglaslas sang bagyo.
Base sa datos sang PCIC, kabug-usan nga 10,781 mangunguma sang mais, palay, kag high value crops ang makadawat sang bayad-danyos. Ang mga ini naghalin sa Cordillera Administrative Region, Ilocos Region, kag Cagayan Valley.
Suno sa saiya, pwede magamit saang mga mangunguma ang madawat nga bayad bilang pambakal sang mga agri inputs kag makaumpisa liwat sa pagtanom.
Naka-apekto ini sa mangunguma sa masobra 33,000 nga mangunguma sa Northern Luzon.
