KORONADAL CITY – Yara na sa kustodiya sang mga otoridad ang isa ka 19-anyos nga lalaki nga ginakabig rank 10 Regional Level Most Wanted Person matapos maaresto sa ginpatigayon nga operasyon sang kapulisan sa banwa sang Isulan sang Oktubre 3, 2024.
Ginkilala ni Police Lieutenant Colonel Julius Malcontento, hepe sang Isulan Municipal Police Station, ang suspek nga si alyad “Justin”, 19, studyante, kag residente sang Brgy, Dansuli, Isulan, Sultan Kudarat.
Naaresto ang suspek sa ila nga lugar sa Baranagy Dansuli sang gintingob nga puwersa sang mga operatiba sang Isulan MPS, Sultan Kudarat Highway Patrol Team, Sultan Kudarat-CIDG, kag 1st Sultan Kudarat Provincial Mobile Force Company paagi sa Warrant of Arrest sa kaso nga paglapas sa New Anti-Carnapping Act (RA 10883) nga wala sang may ginrekomendar nga piyansa.
