Nagsungka sa mga otoridad ang onse ka myembro sang Dawlah Islamiya-Turaifie Group kag duha ka myembro naman sang BIFF-Bungos faction.
Ini ang ginkumpirmar ni LtCol. Roden Orbon, ang spokesperson sang 6th ID. Suno kay Orbon, kaangot sa pagsungka sang mga former rebels.
Kadungan sini, ginsungka man sang mga ini ang ila mga armas nga Bushmaster (converted) 5.56mm rifle; 40mm M79 GL (HM); 9mm UZI (HM); Cal. 30 Sniper rifle (HM); 60mm mortar (HM); Cal. 45 Pistol; 7.62mm Sniper rifle (HM); 40mm M79 GL (HM); Cal. 38 revolver; 9mm UZI (HM); 40mm M79 GL (HM); 30 Cal Sniper Rifle (HM); RPG.
Nakakuha naman sang bulig ang mga nagsungka kasubong sang bugas kag financial assistance, kag ginparehistro sa E-CLIP Program.
Bangud sini, nagapati ang mga suldado nga amat-amat na nga nagahina ang pwersa sang mga Local Terrorist Group bangud sa programa nga gina-establisar sang gobyerno kag mga militar.
Padayon sa karon ang pagpanawagan sang mga militar sa tanan nga mga rebelde nga magsungka agud makabalik sila sa tagsa-tagsa nila ka pamilya kag makaumpisa sang tayuyon nga pagpangabuhi.
