KORONADAL CITY – Arestado ang isa ka event decorator nga nagapangatubang sang haharap sa kasong rape matapos nga ginserbehan sang warrant of arrest sang Criminal Investigation and Detectection Group ukon CIDG BAR sa Ujero Street, Isulan Sultan Kudarat.
Ginkilala ni CIDG BAR Regional Chief LtCol. Ariel Huesca, ang suspek nga si Gemmar Petiluna, 18 years old, isa ka event decorator nga residente sang Block 11, ND Village, Rosary Heights 8, Cotabato City.
Nagapangatubang sang kaso nga statutory rape ang suspek base sa ginpaguwa nga warrant of arrest sang Korte nga wala sang ginrekomendar nga piyansa.
Kalakip man ang suspek sa ika-top 10 No. Regional Level – Most Wanted Person sang PROBAR kag ika-top 3 City Level – Most Wanted Person sang Cotabato City Police Office.
Sa karon, yara na ini sa kustodiya sang CIDG RFU BAR sa Cotabato kag natalana nga igaatubang sa korte.
