-- ADVERTISEMENT --
Yara na sa kustodiya sang mga otoridad ang isa high value individual nga drug suspect matapos nga madakpan sa ginpatigayon nga operasyon sang mga otoridad sa banwa sang Polomolok, South Cotabato.
Ginkilala sang Polomolok PNP ang naaresto nga si alyas “Riku”, 34 anyos, kag residente sang Hermosa Subdivision, Brgy. Dadiangas Heights, General Santos City.
Naaresto ini sa ginpatigayon nga drug buy-bust operation sa Purok Masigla, Barangay Silway 8, Polomolok, South Cotabato.
Nakuha sa posisyon sini ang 3 ka dalagko nga sachect sang shabu nga nagalab-ot sa 100 gramo kag nagakantidad sang P680,000.
Natalana naman ini nga pasakaan sang kaso nga paglapas sa R.A 9165 ukon Comprehensive Dangerous Drugs Act of 2002.
