KORONADAL CITY – Natalana nga ipaidalom sa Enhanced-Comprehensive Local Integration Program (E-CLIP) ang isa ka katapu sang communist terrorist group nga nagsungka sa mga otoridad diri sa siyudad sang Koronadal.
Ginkilala ang nagsungka nga si Jemuel Damali Manib aka Ruben, 32 anyos kag residente sang Barangay Luayon, Makilala, Cotabato.
Siya ang anay myembro sang CTG nga nadismantle sang mga otoridad Guerilla Front Alip sang Far South Mindanao Region halin pa sang tuig 2019.
Bangud sa intensive intel driven operation nga ginpatigayon sang nagkalain-lain nga unit kag operatiba sang kapulisan nakilala ini kag didto nagdesisyon nga masungka na lamang sang boluntaryo sa Koronadal City PNP.
Bilang inisyal nga bulig nakabaton ini sang isa ka sako nga bugas kag cash assistance.
Samtang, igapaidalom naman ini sa nagakaigo nga proseso agud nga mangin kalakip sa E-CLIP program sang gobyerno.
