Ginapreparar na sang City of Manila ang hero’s welcome para kay Carlos Edriel “Caloy” Yulo kasunod sang maragtason sini nga pagbulsa sang duha ka gold medals — sa vault kag floor exercise sa artistic gymnastics — sa Paris Olympics 2024.
Sa idalom sang Republic Act 9064 ukon National Athletes, Coaches and Trainers Benefits and Incentives Act, ang Olympic gold medalist makabaton sang P10 million (tax-free) kag Olympic Gold Medal of Valor nga halin sa Philippine Sports Commission.
May yara man sang real estate firm nga nagpromisa sang P24-million condominium unit sa Taguig City para sa gold medalist.//Madamo pa sang iban nga insentibo nga natanyag kaangay sang medical doctor nga nag-promisa sang free consultations and laboratory tests, small-time entrepreneur nga may free tapsilog meals (for life), may free buffet halin sa isa ka food company, may unlimited airfare kag gasolina, kag madamo nga iban pa.
Sa Kamara, may inisyal na nga P3 million incentive kag congressional medal sa iya exceptional achievement.
May ihatag man ang Kamara nga P2 million sa silver medalists kag P1 million sa bronze medalists.
Nahibaluan nga si Yulo subong ang ginakilala nga:
- Una nga Filipino athlete nga nakadaog sang duha ka gold medals sa Olympics
- Una nga Filipino athlete nga nakadaog sang duha ka gold medals sa isa lang ka edisyon sang Olympics
- Una nga nakahatag sang Olympic medal sa Pilipinas sa artistic gymnastics
kag una nga lalaki nga Pilipino nga atleta nga nakadaog sang Olympic gold//Ini nga Olympiada ang ginakabig nga redemption sa Pinoy pride nga tumandok sang Malate, Manila matapos nga nagsarurot ini sa ginakabig pinakamanubo nga punto sang iya karera halos isa ka tuig na ang nagligad sang wala gid ini sang nabulsa nga bisan isa nga medalya sa World Artistic Gymnastics Championships
