Nagapadayon ang imbestigasyon sang mga otoridad sa pagpangluthangpatay sa isa ka trabahante sa banana plantation sa Datu Odin Sinsuat, Maguindanao del Norte.
Ginkilala ang biktima nga si Datu Ilo Kunto, yara sa legal nga edad kag residente sang Poblacion Dalican, Datu Odin Sinsuat, Maguindanao del Norte.
Suno kay Datu Odin Sinsuat PNP Chief Lt. Colonel Samuel Roy Subsuban, nasapwan na lamang nga duguon kag wala na sang kabuhi ang biktima nga si Datu Ilo sa bahin sang Sitio Linamunan ‘Tampat’ sa Barangay Taviran, Datu Odin Sinsuat.
Ang biktima nga si Datu Ilo ang nakuhaan sang drug paraphernalia kun diin may igo man ini sa liog, lawas kag kamot nga gintunaan sang gilayon sini nga kamatayon.
Nakuha sa crime scene ang pito ka emty shells sang M14 rifle nga posible nga gingamit sa pagpangluthang sa iya.
Samtang ginpahayag man sang mga residente sang Barangay Taviran nga nakabati sila sang mabaskog nga lupok.
Sa karon ginahibalo pa ang motibo sa pagpatay sa biktima.
