Patay ang duha ka myembro sang Moro Islamic Liberartion Front ukon MILF matapos makig-engkwentro sa mga nagresponde nga Army kag PNP personnel sa Barangay Lagandang, Isulan, Sultan Kudarat.
Ginpahayag ni 7th Infantry Battalion Commander Lt. Col. Tristan Rey Vallescas, nga may wala maresolba nga “rido” ukon clan war sa tunga sang MILF kag MNLF sa lugar.
Bangud sini, madamo nga sibilyan ang nagbakwit.
Ginpunterya suno pa sang mga nainvolbar sa rido ang mga suldado kag pulis nga nagpatigayon sang Law Enforcement Operation sa lugar rason nga nagresulta sa pagkapatay sang 2 nila nga kaupod.
Narekober sa clearing operations ang 2 Barret Rifles, 2 M16 Rifles, 1 M60 machine gun, 1 60 mm mortar, 1 cal. 22 rifle, 1 M203 tube kag mga bala.
Suno kay 6th Infantry Division at Joint Task Force Central Commander Maj. Gen. Antonio Nafarrete nga ang law enforcement operation sang militar ang may tinutuyo nga dis-armahan kag lagson ang mga nainvolbar sa pagpangharass sa mga sibilyan sang Brgy. Lagandang, Isulan, Sultan Kudarat.
