Epektibo subong nga adaw, ginmandu ni Pangulong Ferdinand Marcos Jr., ang pag-untat sang operasyon sang POGO sa pungsod.
Ang desisyon sang Pangulo ang sandig sa rekomendasyon sang iya nga mga economic managers.
Ginpahayag sang Pangulo nga wala sang maayo nga ginadulot ang POGO sa aton nga pungsod.
Dugang pa sang Pangulo nga ang POGO ang nagapakuno-ukuno lamang nga legitimate entities apang sa ila nga operasyon involvado ang mga ini sa mga illegal nga aktibad kasubong sang financial scamming, money laundering, prostitution, human trafficking, kidnapping, torture kag murder.
Suno sa presidente kinahanglan nga pauntaton ang POGO bangud nagatuga ini sang kalainan sa aton nga pungsod.
Ginmandu man ni Pangulong Marcos sa PAGCOR nga suguran na ang pagpauntat sang opersyon sang POGO antes matapos ang kasamtangan nga tuig.
Ginmanduan man sang Pangulo ang DOLE nga pangitaan sang bag-o nga mga trabaho ang mga maapektuhan sang ban.
Nagapati ang pangulo nga paagi sa pagpauntat sang operasyon sang POGO madamo nga mga problema ang masolusyunan.
Nagpanawagan man ang pangulo sa tanan nga mga opisyal sang gobyerno, law enforcers, government workers nga mangin vigilante kag unahon ang ikaayo sang pungsod.
“ The grave abuse and great disrespect to our system of laws must stop. Kailangan nang itigil ang paggulo nito sa ating lipunan at panglalapastangan sa ating bansa,” pahayag ni Pangulong Ferdinand Marcos Jr.
