Kasunod sang pagpangluthang sa Banga National High School sa South Cotabato, ginaduso sang Department of the Interior and Local Government (DILG) ang mas istrikto nga tikang sa gun safety kag internet use sang mga menor de edad.
Suno kay DILG Secretary Jonvic Remulla, ang ahensya magakoordinar sa DICT kag Kongreso para sa mga tikang sa paglimitar sang social media kag internet access sang mga kabataan, kasunod sang impormasyon nahanungod sa online nga mga hilikuton sang suspek.
Samtang, luyag man ni Remulla nga magpangayo sang pahanugot sa Korte Suprema nga mahatagan sang legal nga otoridad ang PNP sa pagpatigayon sang inspection sa mga puluy-an sang mga lisensyado nga tag-iya sang pusil agud masiguro ang husto nga pagtago sang ila mga armas.
Suno sa tiglikom, ang pusil nga gingamit sa insidente ang narehistro sa amay sang estudyante nga suspek, nga may yara sang tatlo ka lisensyado nga pusil nga ginaalegar wala sang nagakaigo nga insurance.
Ginpahayag man sang DILG nga padayon ang ila pag-imbestigar sa paggamit sang suspek sang internet kag social media, lakip na ang ginatawag nga “deep dark web,” agud mahibaluan ang posible nga mga kabangdanan nga may kaangtanan sa insidente.
