KORONADAL CITY – Nagapadayon sa subong ang pagpatuman sang pilot implementation sang syudad sang Koronadal sang Micro-chiping sa pila ka mga hinuptan nga ido sa syudad agud nga makuha ang database sang mga ini kag mabutang sa monitoring sang Koronadal City Veterinary office.
Ini ang nangin pahayag ni Dr. Charlemagne Calo, Koronadal City Veterinary Officer sa interview sang Bombo Radyo.
Suno sa iya una nga ginbutangan ang halos 200 ka mga ido sa bahin sang Brgy. Zone III sang syudad para sa pilot implementation sang sini nga proyekto.
Handom sini nga malab-ot ang 70% sang kabug-usan nga populasyon sang mga ido sa syudad agud nga matumod ang mga nagapanag-iya sang mga ini kag mamonitor ang status sang mga ini kun bakunado ukon indi.
Target naman sang syudad nga isunod ang Barangay Sta. Cruz agud nga ipatuman ang kulukasubong nga butang.
Sa sini nga pamaagi, makakuha ang pamunuan sang Koronadal City Vet sang mga naga kaangay nga datos sa mga kasapatan nga may ara sang micro chip sa syudad.
