Ginpahayag ni Ukrainian President Volodymyr Zelensky nga kun ibaligya sang Estados Unidos sa Ukraine ang 10% sang ila “Patriot interceptor missiles,” posible nga maghulog sang ila pwersa ang tanan nga ballistic missiles sang Russia.
Ginpahayag ni Zelensky sa isa ka interview nga nagapangayo siya subong nga tuig sa ila US partners nga ibaligya sa Ukraine ang 5% sang mga missile nga yara sa US weapon storage.
Suno sa iya, makabulig ang 5% nga suplay agud malampuwasan sang Ukraine ang tig-ilinit kag maluwas ang kabuhi sang madamo nga tawo.
Apang kun mahatag sa ila ang 10%, nagapati si Zelensky nga mahimo nila makontra ang tanan nga ballistic missiles sang Russia.
Gina-request sang Ukraine ang mga interceptor missile para sa Patriot air defense system, nga isa ka epektibo nga depensa batok sa mga nag-abot nga missile kag bomba.
Ginagamit ini agud mapunggan ang mga missile sang kaaway antes pa ini makadangat sa duta.
Sa karon, yara sa mga 1% lang sang kabug-usan nga suplay ang uyat sang Ukraine, gani padayon ini nga nagaatubang sang kabudlayan sa pagdepensa batok sa mga pag-atake sang Russia.
