Naglab-ot sa anum (6) ang patay sa Mindanao tungod sa wala untat nga ulan nga dala sang southwest monsoon ukon habagat.//Suno sa report National Disaster Risk Reduction and Management Council (NDRRMC) subong nga Domingo, duha ang nagdugang nga patay sa ila nga record.
Nakit-an ang bangkay sang 47-anyos nga babaye sa Pulangi River sa Kabacan, North Cotabato.
Samtang, patay ang 22-anyos nga lalaki nga nalumos sa Damalasak, Pagalungan, Maguindanao del sur.
Ang apat ka patay nga una na-record sang NDRRMC ang halin sa Barangay Pamucutan, Zamboanga City tungod sa mudslide sa mga pamalay sang Hulyo 12.
Nagakaangay naman nga may yara sang husto nga preparasyon ang kada pamilya sa kada puluy-an sa tion sang kalamidad labi pa nga masami nga nagatupa ang mabaskog nga pag-ulan nga mahimo nga mangin tunaan sang landslide kag pagbaha.
