-- ADVERTISEMENT --
Nakahibalo bala kamo KaBombo, nga ginpatigayon ang World Snail Racing Championships sa Congham, Norfolk sa England.
Natan-aw sang mga tawo ang kompetisyon para sa isa sa pinaka-mahinay nga mga sapat sa bilog nga kalibutan, bisan may kusog nga ulan, Excited ang tanan nga makitan ang yara sa 150 atletang kohol. Ang kompetisyon nagsugod pa gani sang 1960.
Nagdaug sa sini nga kompetisyon si Jesff the snail, nga natapos ang 13.5 pulgada nga dalan sa sulod sang 4 minutos kag 3 segundos.
Pero bisan sa sini nga tion, wala gihapon nakab-ot ang record-breaking nga oras ni Archie the snail sang 1995 nga 2 minutos kag 20 segundos agud makuha ang world title.
