Nasiplatan sang Armed Forces of the Philippines (AFP) ang ginakabig pinakadako nga barko sang coast guard sa kalibutan nga ginbansagan nga “The Monster” nga ginapanag-iyahan sang China Coast Guard malapit sa BRP Sierra Madre sa Ayungin Shoal.
Suno sa AFP, ang presensiya sang barko sang CCG ang nagapakita sang “intrusive pattern” sang pagpatrolya sang mga ini nga nagalapas na sa kinamatarong sang Pilipinas sa exclusive economic zone (EEZ) sini.
Iligal suno pa sa AFP ang presensiya sang mga barko sang China sa sulod sang EEZ sang Pilipinas kag naga apekto ini sa kalinong kag katawhay sa rehiyon.
Ginpasalig sang militar nga padayon magabantay ang mga ini agud ipatuman ang international maritime laws, ilabi na ang United Nations Convention on the Law of the Sea (UNCLOS).
Ginapanugyanan man sang AFP ang iban pa nga pungsod nga i-obserbar ang international law kag likawan ang mga aksyon nga magapalala sa tensyon sa West Philippine Sea (WPS).
